ظل راجل ولا ظل حيطة ..

عدد المساهمات : 17 تاريخ التسجيل : 27/04/2008

قال بيقولوا ظل راجل ولا ظل حيطة .. ياختي بلا

وكسة!!

بذمتك عمرك سمعتي عن حيطة تقعد تشخر طول

الليل وماتخليكيش تعرفي تنامي!

ولا حيطة تدخل من باب البيت تجعر: فين الغدا ..

وبعدين تطين عيشتك عشان الملح طلع زيادة فيه.!

طيب شفتي حيطة تملا لك سقف البيت دخان ..

وأرضيتيه سبارس ..

ولا حيطة تقعد تنكد عليكي عيشتك.. وتقول لك

أنت رايحة فين وجاية منين !

ولا حيطة تصحيكي في عززززز الليل علشان

(طبخه ) معرفش

ايه ...طلع في دماغها !

ولا حيطة تدوخك وراها علشان تعرفي هيه بتكلم

مين في التليفون بعد نص الليل !

طيب دي الحيطة معروف مكانها فين دايما .. انما

المحروس يدوخك وراه علشان تعرفى هو سهران

في أنهى داهية ..قال ايه عنده شغل!

بذمتك في حيطة تحاول تطلعك غلطانه في كل

كلمة تقوليها علشان تثبت للعيال ان الحيطة تفهم

أحسن منك !!

ولا حيطة تقعد تقول لك ماتطلعي بالفستان هذا

أحسن ضيق شويتين .. ولما تقولي لها هاتي

فلوس علشان تشتري

فستان غيره تعمل ودن من طين وودن من عجين

طيب اصلا حتى الحيطان لها ودان ..

ياشيخة بلا نكد .. الحيطة أجدع .... بس طبعا

مش كله.. في رجاله كويسين بيعرفوا ازاي

يحترمو زوجاتهم ويقدروههم

ويحفظوا كرامتهم وكل شئ "", يعني ممكن

نرجع تاني نقول فعلا

ظل راجل ولا ظل حيطة

*********************

انا ماليش دعوه الموضوع منقول

عدد المساهمات : 34 تاريخ التسجيل : 16/04/2008

السلام عليكم ورحمة الله وبركاتة

الله يفتح عليكي موضوع جميل

بسي اكيد الرجاله كلها مش زي بعض زي مافي الوحش فيه الحلو

موضوع: برئ الإثنين أبريل 28, 2008 6:30 am

برئ برئ برئ برئ والله

من غير سلام ولا كلام ايه الظلم ده ده احنا غلابه والله

الحيطة ده شغال علشان يكفى طلباتكم عاوزة اشترى فستان من

فرنسا زى جمالات وشاليه فى مارينا زى عديله عايزة وعايزة

وغير كده الشخيرده من ايه ده بيدعى عليكى وهو نايم

على العموم السلام عليكم ورحمه الله وبركاته واهلا بيكى مليون مرة بالمنتدى بيتك

وربنا يزيدك ووننتظر منك المزيد والمزيد ويسلم ايديك

amr

عدد المساهمات : 22 تاريخ التسجيل : 14/04/2008

ههههههههههههههه

الرجالة مش قوى كدا يعنى

بس فيهم وفيهم

بس في الاخر ظل حيطة والا ظل الراجل لو مكنش قد كلمة راجل

عدد المساهمات : 14 تاريخ التسجيل : 18/04/2008

هههههههه طب خلوا الحيطة بقى تصرف عليكوا

Very Happy

طب بزمتك فى حيطة بتجيب فلوس ؟؟ دى لو حيطة سيراميك حتى مش هتعمل اللى بنعمله

Very Happy

بجد موضوع جميل جدا انى اعترض

شكرا يا خجلانة على الموضوع اللذيذ ودايما فى انتظار جديدك ان شاء الله