زائر زائر
| موضوع: انا عرفت ليه هما بيغنوا لمصر الإثنين مايو 05, 2008 6:56 am | |
| بتسمعوا اكيد زيى الست شيرى وهى بتقول لو مشربتش من نيلها
والست نانسى وهى بتقولك انا مصرى وابويا مصرى
وناس تانيه كده مش عارفه اسمهم بتوع انت اكيد فى مصر
لو اتعسك الزمان وفتحت مرة التلفزيون المحى هتلاقى حاجات غريبه كده
ناس فرحانه اوى بمصر ,,,معرفش ليه ؟
وعالم بتغنى ؟
فانا كل مرة يتحرق دمى واوصفهم بالكدب والنفاق واقفل التلفزيون .
لحد ما عرفت انى ظلماهم ؟!!!!!!!!!
اى والله ظلماهم ..................
ليه بقى ؟
هما بيغنوا لمصر علشان هو ده اللى هما حسينه وشايفينه !!!!!!!!
شافوا مصر فى بورتو مارينا وشرم
شافوا مصر فى نادى العاصمه وجاردن سيتى
اتمشوا فى شوارع القاهره الجديده ودريم لاند
اتمشوا واتفسحوا فى سيتى ستارز (قلب اقاهره زى ما بيقولوا عليه )
شافوا النيل وهما سهرانين فى fridays
يبقى ميغنوش ليه لمصر ..................ده حتى الغنا اقل واجب
دى مصر ام الدنيا بتاعتهم
هما لا شافوا قرى مصر ولا مستشفيات التأمين الصحى فى مصر
ولا شبكه الصرف الصحى المشتركه مع شبكه مياه مصر
ولا حتى جربوا يتقطع عنهم المياه فى عز الحر زى باقى اهل مصر
ولا بيتعذبوا فى سجون مصر ,,,,,,,,,ولا بتتهان كرامتهم فى مصر ,,,,,,,,,
ولا بيفقدوا الحلم والأمل كل يوم فمصر ,,,,,,,,,,,,,يبقى ميغنوش ليه لمصر
السؤال بقى اى نفسى حد يجاوبنى عليه ؟
بما اننا ابناء الطبقه الوسطى القادمة الى زوال ,,,,,,,,,ياترى شايف مكانك بكره فين ؟
مع اهل مصر اللى فوق
ولا مع اه مصر اللى تحت ؟
فانتظار الأجابة ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,ويجعله عامر |
|